Түгээмэл асуултууд

Системд хэрхэн бүртгүүлэх вэ?

Системийн баруун дээд буланд байршиж байгаа нэвтрэх хэсгийг сонгож, нэвтрэх болон бүртгүүлэх гэсэн сонголтын аль нэгийг сонгож бүртгүүлнэ. Та өөрийн facebook хаягаар шууд бүртгүүлж нэвтрэх боломжтой. Хэрэв та facebook хаяггүй бол өөрийн цахим шуудангийн хаяг /e-mail/, нууц үгээ шинээр үүсгэн бүртгүүлэх боломжтой юм.

Хэрэглэгч teddyshop-д бүртгүүлэх үед цахим шуудангийн хаяг болон хэрэглэгчийн үүсгэсэн нууц үг системд хадгалагдана. Хэрэглэгчийн оруулсан нууц үгийг систем шифрлэн кодчилж хадгалах тул хэрэглэгчээс өөр хүн нууц үгийг мэдэх боломжгүй юм.

Захиалга яаж баталгаажих вэ?

• Захиалга хийж баталгаажуулсны дараа таны и-мэйлээр болон гар утсанд мессежээр захиалгын дугаар, нийт дүн, төлбөр гүйцэтгэх хэлбэр, төлбөр хүлээн авагч байгууллагын нэр, дансны дугаар зэргийг танд хүргэнэ.
• Захиалга бүр дахин давтагдашгүй захиалгын дугаартай байх бөгөөд төлбөрөө шилжүүлэхдээ гүйлгээний утга дээрээ захиалгын дугаараа бүрэн, зөв бичих ёстой. Гүйлгээний утгыг зөв бичээгүй тохиолдолд тухайн захиалга манайд үүсэх боломжгүй тул ийнхүү алдаа гаргасан бол 91105001 дугаарын утсанд холбогдож асуудлыг шийдвэрлүүлэх боломжтой. Төлбөрийг шилжүүлэхдээ системд заагдсан зааврыг зайлшгүй дагах шаардлагатай.
• Та өөрийн захиалсан бараа бүтээгдэхүүн, үйлчилгээний дэлгэрэнгүй мэдээллийг teddyshop.mn дээрх өөрийн бүртгэл доторх “миний захиалгууд” хэсгээс харах боломжтой бөгөөд энэ хэсэгт таны захиалгын түүхүүд хадгалагдсан байдаг.
• Захиалгын нийт үнийн дүнг 100 хувь урьдчилан төлснөөр таны захиалга баталгааждаг.

Захиалгаа цуцлах боломжтой юу?

• Та захиалга хийснээс хойш 48 цагийн дотор зааврын дагуу төлбөрийг бүрэн шилжүүлсэн байх шаардлагатай. Захиалгын төлбөр 48 цагийн дотор холбогдох дансанд орж ирээгүй тохиолдолд захиалга цуцлагдах болно.
• Нэгэнт цуцлагдсан захиалгыг дахин сэргээх боломжгүй бөгөөд та хүсвэл захиалгыг дахин шинээр хийх боломжтой.
• Та 48 цагийн дотор захиалгын төлбөрийг төлж чадаагүй, захиалга цуцлагдсан тохиолдолд бид ямар нэгэн хариуцлага хүлээхгүй учир нь teddyshop.mn захиалга хийгдсэнээс хойш 48 цагийн хугацаанд танд худалдан авалт хийх эсэхээ шийдэх боломжийг олгодог. Энэ хугацаанд та захиалгаа цуцлах, өөрчлөх боломжтой.

Харин та захиалгын төлбөрөө төлсөн бол тус захиалгыг цуцлах боломжгүйг анхаарна уу.

Та ажлын өдрүүдийн ажлын цагаар утсаар холбогдож мэдээлэл авах, тодруулах бүрэн боломжтой.

Та teddyshop.mn-д бүртгүүлснээр бараа бүтээгдэхүүн захиалах, хүслийн жагсаалт үүсгэх, өөрийн захиалгыг хянах, борлуулалтын урамшуулал авах боломжтой болно.

Захиалгын төлбөрөө хэрхэн төлөх вэ?

teddyshop.mn нь хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн тохиолдолд захиалга албан ёсоор баталгаажсан гэж үзнэ. Хэрэглэгч захиалга хийх, төлбөр гүйцэтгэх, бараа хүлээж авах бүрд хэрэглэгчийн бүртгүүлсэн цахим шуудан мөн холбогдох гар утасны дугаарт мэдэгдэл илгээгдэнэ.

Захиалсан бараа бүтээгдэхүүнээ хэзээ авах боломжтой вэ?

• Захиалгын төлбөр төлөгдсөн цагаас хойш бэлэн барааг Улаанбаатар хот дотор хүргэх хугацаа 2-48 цаг. Хөдөө, орон нутагт хүргэх хугацаа 2-7 хоног байна.
• Захиалгаар буюу үйлдвэрээс нийлүүлэх барааг Улаанбаатар хот дотор хүргэх хугацаа 14-21 хоног, Хөдөө, орон нутагт хүргэх хугацаа 21-30 хоног байна.

Давагдашгүй хүчин зүйл, бүх нийтээр амрах өдрүүд, хил, гаалийн үйл ажиллагаа саатах, бүх нийтийн хөл хорио, хөдөлгөөний хэсэгчилсэн хязгаарлалт, замын хөдөлгөөний түгжрэлийн хэт ачаалал, цаг агаарын байдал болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар бараа хүргэлт саатах бүрд хэрэглэгчид нэн даруй мэдэгдэнэ.

Барааны төрөл, хэлбэр, жин, овор хэмжээнээс хамааран захиалга болон хүргэлт хийх хугацаа өөр байх боломжтой. Хэрэв хэрэглэгчийн хийсэн захиалгын бараа онцгой шинж чанартай байх тохиолдолд тухайн үед нь хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно.

Холбогдох хууль тогтоомжийн дагуу согтууруулах төрлийн бараа бүтээгдэхүүн нийлүүлэгчийн барааг сар бүрийн 01-ний өдөр болон эрх бүхий этгээдийн шийдвэрээр хориглосон өдрүүдэд хүргэлтэд гаргахгүй. Мөн тухайн бүтээгдэхүүнээр зөвхөн 21 нас хүрсэн хүнд үйлчилнэ.

Хүргэлттэй юу?

1.Хэрэглэгчийн захиалгын дүн 300 мянган төгрөгөөс дээш тохиолдолд энгийн хүргэлтэд тооцогдох бараа бүтээгдэхүүнийг Улаанбаатар хот дотор А бүсэд хүргэлт үнэгүй, Б бүсэд хүргэлт 3000 төгрөг, С бүсэд хүргэлт 5000 төгрөгийн төлбөр бөгөөд овор хэмжээ ихтэй, хүнд жинтэй бараа бүтээгдэхүүний хувьд тухайн бараа бүтээгдэхүүний хүргэлтийн мэдээлэлд заасан хүргэлтийн төлбөрийг авч хүргэлтийг хийнэ. 

Хот доторх хүргэлт нь Улаанбаатар хотын дараах хязгааруудад хийгдэнэ. Үүнд:

А бүсийн тойрогт: Чингисийн талбайгаас урагш Зайсан, хойшоо 17, баруун тийш Саппорогийн тойрог, зүүн тийш Офицер гэсэн чиглэл орно.

Б бүсийн тойрогт: Зайсангаас Буянт-Ухаа, 17-оос Долоон буудал/Хайлааст, Саппорогийн тойрогоос 5 шар, Офицероос Шархад гэсэн чиглэл орно.

C бүсийн тойрогт: Дээр заасан хязгаараас гадагш дараах чиглэлүүд хүртэл орно.

• Зүүн зүгт Гачууртын эцэс, Хуучин Баянзүрхийн товчоо хүртэл,
• Урд зүгт Sky Resort, Хүрхрээ Tour амралт, Их тэнгрийн ам, Богдхан амралтын газар хүртэл
• Баруун зүгт Чингисийн хүрээ амралтын газар, Морингийн даваа, Авто худалдааны цогцолбор буюу Авто тээврийн үндэсний төв, Тахилтын эцэс, Орбитын эцэс хүртэл
• Хойд зүгт Шаргаморьт, Гүнт, Сэлхийн эцэс хүртэл

2.Орон нутгийн хүргэлтийг тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар хүргүүлнэ. Үйлчилгээний хөлс болон үүсэх эрсдэлийг Хэрэглэгч хариуцна.

3.Хэрэглэгч бараа бүтээгдэхүүнийг хүлээн авах хаяг, холбоо барих утасны дугаараа /маш тодорхой/ үнэн зөв бөглөх үүрэгтэй ба буруу мэдээллээс болж үүдэн гарах зардал, алдагдлыг Хэрэглэгч хариуцна. Хүргэлт хийгдэх цагаар утсаа нээлттэй байлгах, хаяг дээрээ байх шаардлагатай.

4.Хэрэглэгч барааг хүлээн авахдаа бичиг баримтаа хүргэлтийн ажилтанд шалгуулж бараагаа шалгаж хүлээн авна.

5.Худалдан авалттай холбоотой дэлгэрэнгүй мэдээлэл Хэрэглэгчийн бүртгүүлсэн и-мэйл хаяг, бүртгүүлсэн гар утас руу тогтмол илгээгдэх ба Хэрэглэгч өөрийн захиалгын түүх дотроосоо харах боломжтой.

Хүргэлт авахгүй байж болох уу?

• Та хүргэлтгүй захиалга хийх боломжтой бөгөөд таны захиалга бэлэн болсныг өөрийн захиалгын статусын дагуу мэдсэн даруйд өөрийн биеэр teddyshop.mn-ийн байран дээрээс ирж авна.

Бараа, бүтээгдэхүүний дэлгэрэнгүй мэдээлэлтэй хэрхэн танилцах вэ?

• Та захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай юм. Барааны талаар бүрэн мэдээлэл аваагүйгээс болж захиалга хүргэгдсэний дараа захиалгыг буцаах хүсэлтийг teddyshop.mn хүлээн авах боломжгүй.
• Системд барааны албан ёсны брэнд, бүтээгдэхүүний нэр, код зэрэг мэдээлэл байгаа тул мэдээллийн сувгийг ашиглан тус барааны талаар мэдээлэл, бусад орны хэрэглэгчдийн санал гомдлыг судлах боломжтой.
• Та захиалга хийхээсээ өмнө тухайн бараа бүтээгдэхүүн, үйлчилгээний талаарх дэлгэрэнгүй мэдээлэл, үйлчилгээний нөхцөлтэй сайтар танилцаж, teddyshop.mn дээрх онлайн туслах, https://www.facebook.com/teddyshop.mn хуудас руу мэссэж бичих болон 91105001 дугаарын утсаар холбогдож нэмэлт мэдээлэл авах боломжтой.

Жишээ нь: Хувцас, гутал худалдан авалт хийхдээ тухайн барааны хэмжээний хүснэгтийг судалж, өөрт тохирох хэмжээг зөв сонгох, шаардлагатай бол оператортой холбогдож мэдээлэл хүсэх боломжтой.

Захиалсан бараа бүтээгдэхүүнийг буцаах боломжтой юу?

Барааг хүлээн авахдаа таны захиалсан барааны хэмжээ, өнгө, загвар зөв эсэх, хэмжээ нь бүрэн таарч байгаа эсэх, бүрэн ажиллагаатай байгаа эсэхийг заавал шалгаж аваарай. Та барааг зохих ёсоор хүлээж авснаа хүлээн зөвшөөрч гарын үсэг зурсан тохиолдолд бараа буцаах болон солиулах боломжгүй болно.

Харин дараах тохиолдолд захиалгыг буцаах боломжтой. Үүнд:

• Захиалсан бараа хүлээн авах үед ГЭМТЭЛТЭЙ байсан
• Захиалсан барааны өнгө зөрсөн, хэмжээ томдсон/багадсанаас шалтгаалан барааг солиулах хүсэлт гаргасан боловч сольж авах бараа дууссан үед
• Хэдийгээр таны захиалсан барааны хэмжээ мөн боловч брэндийн болон загварын онцлогоос шалтгаалан танд томдох/жижигдэх нөхцөл байдал үүсдэг. Энэ тохиолдолд барааг солиулах сонголт байх бөгөөд солих бараа байхгүй үед захиалгаа буцааж болно.

АНХААР!!! Хэрэглэгч худалдан авсан барааг буцаах тохиолдолд барааг хүлээн авсан цагаас хойш 3 өдрийн дотор буцаах боломжтой. Буцаах барааг өөрийн биеэр буцаах эсвэл өөрийн байгаа газраас авахуулж болно. Барааг буцаах үед хүргэлтийн хөлс болох 5,000 төгрөгийг суутгаж авна. Хэрэв өөрийн байгаа газраасаа барааг авахуулах тохиолдолд анхны хүргэлтийн хөлс дээр нэмж буцаалтын хүргэлтийн хөлс 5,000 төгрөгийг нэмж суутгах болно. Бараа бүтээгдэхүүнийг буцаахад тухайн худалдан авсан бараа бүтээгдэхүүний тооцооны хуудсыг үндэслэх ба бараа бүтээгдэхүүн нь дахин худалдаалах боломжтой байна.

Захиалсан бараа бүтээгдэхүүнийг солих боломжтой юу?

Дараах тохиолдолд барааг солиулах боломжтой. Үүнд:

• Таны захиалсан барааны загвар, хэмжээ, өнгө зөрсөн;
• Захиалсан бараа гэмтэлтэй, зохих ёсоор бүрэн ажиллахгүй байсан
• Өнгө, хэмжээ, загвараас солиулах боломжгүй нөхцөлд өөр төрлийн бараа, бүтээгдэхүүнээс сонгож зөрүүг нэмж төлөх, эсхүл буцаах эрхтэй байна.
• Бараа бүтээгдэхүүнийг солиулахад тухайн худалдан авсан бараа бүтээгдэхүүний тооцооны хуудсыг үндэслэх ба бараа бүтээгдэхүүн нь дахин худалдаалах боломжтой байна.
• Сав баглаа боодлыг онгойлгосон болон эвдэрч гэмтсэн, бохирдсон тохиолдолд солих боломжгүй.